HIGO D-burger 手工壓花器[團購]

各位姊妹, 今次小妹第一次搞團購, 看看你們有沒有興趣買呢一個打花器

呢個牌子叫 HIGO D-burger 手工壓花器, 是韓國牌子, 可做出不同角度既花紋

以下是一些例子:

以下是官網推介既用法, 大家也可以創作自己喜愛既花紋:

以下是淘寶網提供既款式, 共有14款 (A - N):

以下是今次團購注意事項:

(1) 我在香港見到呢個PUNCH最少都要 $13X, 依家在淘寶網買計埋運費都係$11X

(2) 淘寶網話自己係韓國正貨, 不過大家BLOG友自行判斷是否"正貨"

(3) 因為減少運費支出, 我會經淘點中轉站, 所以大概會兩個星期左右才會收到貨, 急用的就不要買了

(4) 這個團購會到 7月6日, 大家可以慢慢考慮

(5) 其實我都是第一次買這一個, 都不知道好不好用, 所以俾不到大家任何用家意見

(6) 今次只是跟我ADD 了做 BLOG 友的朋友做團購, 並沒有收取任何其他收費, 不過大家可以整d小手工送俾我氹下我開心

(7) 至於交收方面, 會另作安排, 暫定會提出某幾個時段在旺角地鐵站交收

(8) 如果大家決定了之後, 就跟以下格式私人留言給我

(a) 英文名:

(b) CONTACT EMAIL:

(c) 要那一個PUNCH: (請寫出A-N)

(d) 是否同意預先檢查punch: yes or no (如果yes我就會開了包裝)

闊太生活之agnes b sunday brunch

雖然呢篇blog同結婚既野無乜關係, 不過都想同各位blogger分享下, 上星期去o左中環間agnes b食o左個sunday brunch, 呢個brunch係我一生人食過最貴既lunch, 連埋加一total $550!!!!真係超級貴, 不過我個friend話好想食, 就當做陪佢豪一次!!!

呢個brunch既時間由11:30 至 15:00, 主要係 starter and dessert係 buffet形式, 跟住有一個second main 係以蛋為主, 另外就一個main course 有幾款可以揀, 跟住就coffee or tea

呢個就係甜品區, 唔記得影starter區 tim~~~

開餐啦~~~由starter開始~~~

我地三個人一人叫一碟second main~~白色 and 黃色都係以不同做法既蛋~~~

另外就係 main course, 我地叫o左牛, 羊 and 魚, 三個都好好味~~不錯呀~~

基本上食完個main, 真係飽到上心口, 好唔開心見到d o甘靚既甜品都食唔落啦~~

 

最後我都係覺得如果要豪一次, 我覺得呢個sunday brunch真係值得一試~~~非常推介!!!

與靜雯一起做手工

上星期我個老公米少既姨生女靜雯上o左我地屋企, 跟住我就教佢整手工呀, 你地睇下放到成枱都係我d scrapbook野呀~~

買o左呢幾個省力 d 既punch~~真係好用好多呀, 連靜雯都可以自己punch啦~~

佢好專心o甘不斷印不斷印, 我發覺佢係一個好鐘意pattern既小朋友, 做每一樣野都要好整齊

我覺得佢呢一張就最有創意, 那些是一把把雨傘, 放在紙上有立體既效果, 整得非常好呀~~

靜雯整完既畫, 我地仲會幫佢貼堂~~遲d就會貼晒成幅牆啦!!!

結婚証書套

訂o左個結婚證書套, 不到一個月就到手啦, 俾我預期中快呀, 全手工做, 手工不錯呀~~

攞o左之後發覺都有少少暗花喎~~好似係我既主題櫻花呀~~hoho~~~唔係都當係啦~~

闊太生活之 harlan sunday brunch

雖然呢篇blog同結婚既野無乜關係, 不過都想同各位blogger分享下

呢間餐廳叫 HARLAN'S 在 尖沙咀 THE ONE, 我地今次去食SUNDAY BRUNCH同朋友慶祝生日, 價錢唔係好記得, 好似係AROUND $250

環境不錯, BUFFET區就在最遠既位置

首先係食appetizer~~~有我最鐘意既PRAMA HAM~~~行o左兩轉~~好後悔, 因為已經食到好飽~~

跟住到 main course, 都有5至6款揀, 我就揀o左羊, 不過我覺得麻麻地~~唔係好夠淋...

甜品唔係自助, only得一款～～無得揀～～不過都唔錯呀～～

呢個就係由餐廳露台望出去，好好view呀~~~

試妝 by Belinda Chan[私有化]

由於之前影o左好多prewedding, 機緣巧合找o左BELINDA CHAN試妝準備prewedding~~

婚紗look不如試下放d頭髮落黎呀, 好似有少女味young d 喎~~~

跟住又諗起, 好似之前未試過set 掛頭呀~~不如又叫BELINDA幫我SET個掛頭~~SET o個依家好興既辮子style, 都唔錯, 不過我都想試下t再set大d~~~

大家覺得點呀??俾下意見呀~~~

淘寶scrapbook material[JUNE 2011]

又淘又淘~~~又買一大堆無用既野返來, 都係決定下個月暫停買野一個月, 用o甘d野先買啦~~

今個月既重點要買既野, 就係punch啦, 其實計埋人民幣匯率, 同香港買都差不多價錢~~

另外買o左一支熱風槍~~就比香港平好多啦~~only rmb$93, 仲可以轉英式插頭

http://youchanzhi.taobao.com/

http://mancoo.taobao.com/

http://pinkyoko.taobao.com/

 

男仕禮服 - A Wedding Role[私有化]

今日在米少同事既介紹下, 去o左尖沙咀一間上樓舖睇男裝禮服, 個舖頭名叫 A WEDDING ROLE, 其實間舖頭暫時仲係裝修期間, 仲未開張呀, 不過我地因為朋友介紹所以可以先上去睇衫, 我地都估唔到, 呢一間既衫係走一些型格路線, 佢地亦非常著重男裝禮服上, 一款西裝佢地玩o左好多顏色, 有黃色, 藍色, 黑色, 白色, 仲有我個米少最like既粉紅色!!!!

首先我地先併上黃色既combination(左圖), 嘩~~~真係似曾相識既感覺, 完全好配合我地既image呀~~再對照埋右圖, 嘩哈哈~~~係咪好似呢???我地話左圖呢一set直情係右圖既加長版!!!!雖然係好鐘意, 不過始終都要捨棄, 因為唔可以租太多啦~~

跟住再拼上粉紅色系列, 雖然唔係我地最鐘意既shocking pink, 不過呢隻粉紅色都好舒服呀~~仲有仲有, 我著緊呢條裙既idea, 係來自櫻花!!!!嘩~~~~不得了啦, 中正我下懷, 因為我地既主題就係櫻花呀~~再睇多兩眼, 真係好match呀!!!

行o左圈, high o左個tea, 就決定再上番去~~confirm啦~~上到去, 老闆娘俾我地再上去fit晒成套, 第一套, 粉紅色西裝 + 花花裇衫 + 黑色褲

第二套, 黑色閃令令西裝 + 花花裇衫 + 黑色褲, 上鏡可能唔係好閃, 不過現場睇係好閃呀, 另外好難得既, 真係好fit身, 完全係好似度身訂造一樣!!!

最後, 我都試埋上身, 由於相機問題可能有少少色差, 不過現場睇真係好match呀~~好靚呀, 呢個look我地會用作迎賓用呀~~

大家可唔可以俾d意見, 因為呢套粉紅色西裝都會用來配我套婚紗作註冊用, 你地覺得著黑色褲定白色褲好睇d呀??

同場加映, 雖然我已經租晒衫, 不過我都好鐘意佢地display出來呢條裙呀~~好特別呀, 個design出來好靚呀~~值得一讚!!!!