媽咪衫@心妍婚紗

我媽咪係肥肥人呀, 不過佢又想著D靚靚衫, 可惜肥肥衫又都會靚得去邊~~真係好矛盾~~~

同佢行O左好多間, 終於都找O左一間租O左FIT佢身既衫衫啦~~

其實老實講, 我覺得佢D衫都係D舊款衫, 不過佢地SERVICE真係好好, 搞到我呀媽不知幾O甘開心, 雖然我地租得一件, 不過佢都會幫每一個客人度身FITTING, 會跟每一個客人既身型去改每一衫, 所以我就話佢地既SERVICE真係唔錯~~~

都好, 都叫做FINISH O左多一個ITEM, 又開始轉入直路啦~~~

姊妹jacket

之前在facebook問過其他jm, 做姊妹係咪一定要著姊妹裙???

答案好不一, 有d就話做姊妹著姊妹裙先夠統一, 有d就話無所謂~~~

今次, 我大膽選o左粉紅色jacket, 其實我都唔想, 不過係我心軟既情況下, 我後來選o左呢個方案, 去配合各方既姊妹意見~~~

希望到時出來既效果唔會太ODD啦~~~

不如大家睇下個效果, 呢兩張相其實係同一件褸, 不過出黎個效果好唔同~~~

第一張, 係在陽光底下既粉紅色JACKET, 出來效果好SHARP呀~~




第二張, 係我其中一個姊妹著下, 今次係在室內影, 件JACKET好似變O左粉橙色~~~

我知道呢一個顏色, 未必個個會接受, 但依家已經無幾多時間, 都要硬住頭皮去行~~~希望到時一切順利啦~~~

CONFIRM兄弟TIE

經過幾個星期既折磨, 終於都CONFIRM倒兄弟TIE既選舉啦, 都係多得呀ME老師既介紹, 而我個米少又LIKE先揀得到啦~~

其實我TOTAL要買三個款~~一條係俾伴郎, 七條係俾兄弟團, 另外2條係俾我2個男姊妹~~~

本身我同米少都好LIKE以下呢兩款呀, 好難得找到我同米少都LIKE既時候, 個賣家都同我地講無貨, 真係成個人灰晒~~~

跟住唯有再SERACH~~就找到以下兩款~~~情急之下, 就訂o左以下兩款~~以下係淘寶寶既相片~~~

以下係實物圖~~粉紅色那個都好似淘寶寶既相片, 而黃色那個反而俾相片仲要SHARP D~~都唔錯呀~~~

不過暫時都係KO o左男姊妹 and 伴郎果三條, 都無買到兄弟團既tie~~~跟住後來經呀me老師介紹o左以下既tie, 而米少又ok like 呢一個款~~所以都最後就全部跟呢一個款再買晒total 10 條tie 番來, 左面就係淘寶寶相片, 而右面就係收o左貨既tie, 都唔錯呀~~


同時間, 我仲買o左以下呢一個銀色帶俾兄弟團, 不過仲未知佢地接唔接受到~~~

card making class - 機關咭

已經第二次找miss choi上堂, 今次我地學機關咭點整呀~~今次total 有6個人一齊上, 所以就俾上一次十幾個人容易控制得多~~~大家都多o左時間做野同埋問野~~~

呢個係我張咭既cover~~整完之後我就打算送俾將會結婚既朋友仔~~

跟住.....拉條絲帶~~~就有sweet sweet熊出現啦~~

close-up 個 sweet sweet熊先~~~其實我真係唔係好like用顏色筆~~~不過好彩miss choi都讚我油得靚~~~~

所有card 既大合照~~~每個既design都唔同~~我就好like桃紅色心心果一個design~~好sharp呀~~~

其實我真係好enjoy一大班人去整呢樣整個樣, 而我都唔介意去做攪手~~不過12月已經結婚啦, 呢一個月一定要集中精神去做番關於結婚既野啦~~~

所以我至愛既diy item, 就只有放低一下啦~~

Cheerful 新娘造型模特兒造型活動

等o左好耐好耐~~~都唔知幾耐, (p.s. 其實都係1個月左右....keke....講到好似好耐.....) 終於都等到cheerful wedding production send o左 d 造型照俾我啦~~~

呢個大紅look之前都好似未試過~~~不過我個米少睇o左呢個look, 佢都話唔似平時既我~~~我都覺得好似sharp醒神~~雖然收到幾張相~~不過都好似ONLY呢張比較見得下人~~

不過, 我都係鐘意呢一張多D~~都係一大班姊妹一齊影先最開心~~~

[相片由 Cheerful Wedding Production 提供]

Makeup & Hair - Vince @ Cheerful

Photographer - Vince @ Cheerful

兄弟呔~~~~苦惱中......

我對住d呔~~~我就黎人都癲啦~~~


每日都對住個mon去淘寶網~~~不停去揀d呔~~~不過揀來揀去, 都唔o岩心水o甘~~~又唔想o甘普通~~~揀o岩啦~~佢又話無貨.....跟住又要再揀過.......淘寶貨又始終都會娘娘地~~~又好難揀......

我就黎人都癲啦~~~

準備囍帖大行動

九月尾既時候, 好快就已經攞晒d帖, 打算十一月先派~~仲有成個月準備, 應該都夠時間~~~

因為用酒樓送既帖, 就想到想diy張帖~~~打算用punch, eyelet and diy wedding logo 印仔

不過最後都係發覺睇少o左呢一個action, 原來到依家, 都仲未完成倒~~~

你睇下~~真係難為了米少~~~佢要好似河邊姑娘o甘, 要用腳先得~~~仲要俾我地踏爛o左一個punch添~~~好彩我有多買一個spare~~~





我就負責整eyelet部份~~用eyelet將利是, 地圖卡 and 餅card, 將佢地串起, 就無o甘容易趺啦~~~

依家差不多完成o左 8 成既帖, 依家仲要爭信封要印diy stamp 同埋 人名上去~~~真係好大工程呀~~~我估仲要搞多一個星期先可以完成呀~~~