米太太WORKSHOP

2012年4月4日星期三

米太太workshop開張大吉!!!

各位朋友, 我現在正式宣佈, 我既米太太workshop正式開張!!!!!

為o左隆重其事, 我好辛苦o甘, 係我既屋企一個角落頭set o左我既工作間俾自己呀~~~不過d野都仲係亂七八糟, 好難去整理得好~~

首先係我既工作箱, 不過依家已經唔夠我擺野~~

仲有我既工作枱, 其實係放o左係我果廳既路中心, 間唔中係要走鬼呀~~~

大家俾大力d掌聲先!!!!

對上一次寫blog, 已經差不多一個月了, 對於我結婚既片段, 已經變得零零碎碎了, 回想起來, 之前寫既17篇既婚享已經可以為我既big day劃上一個句號了, 我自己都估不到在yahoo blog識倒好多結婚既朋友仔,而亦都好開心, 有好多之後結婚既朋友仔都無我個blog睇倒好多唔同既資訊, 而我都想宣佈, 對於結婚既blog之後都唔會再寫啦~~

o甘.....之後寫乜好呢??其實婚後, 我竟然沉迷o左落DIY手作仔, 由之前在yahoo blog組堂一齊上card making class, 又找朋友仔一齊上groupon既scrapbook class, 結婚証書套班, card making class, 到之後又有上羊毛氈堂, 又跟住不停o甘買d紙, punch, ink pad, 貼紙...等等等, 買到一屋都係~~~

仲有, 在煌府188果度識o左一班得意既朋友仔, 我地依家好多時都會一齊出來食好野, 開開心心又一餐, 真係都笑到食到頂住個肚, 真係超攪笑~~

所以, 依家我就有呢打算, 我個blog, 就將會圍繞我diy既作品, 同埋我同188同學會一齊食好野既片段~~~

至於之後, 會唔會繼續寫生仔blog, 就之後既事啦~~~

2012年3月9日星期五

熱風槍放售[SOLD OUT]

回憶番上一年既時間, 幫其實朋友仔團購o左熱風槍, 但之後先發現, 原來我訂多o左兩套, 唔知有無人想要呢???
有興趣請留言, 會以超低價發售~~~

http://blog.yahoo.com/carmenrico/articles/52494/

煌府188代表出席百萬行[私有化]

今次無啦啦唔知點解去o左同188既新人一齊去行百萬行~~~其實理由好簡單, 我地188既同學仔貪玩囉~~~hohoho~~致在一大班開心高興~~~
出發前, 同陳博士影將大合照~~wahaha~

188男仔組一張~~

188女子組又影一張~~~

我地個個都笑到唔停~~~哈~~~都唔知點解o甘多野有得笑~~~不過同188同學就有好多歡笑聲~~~

米太太workshop - 情人card

又又好開心呀, 今次同一班靚太去o左 Korea Station 上團購紙工藝DIY相架班, 今次我地整o左足足3個鐘, 今次亦都用o左好多technique, 例如 corner punch, stamp, 油木顏色, 用cuttlebug, 自製閃閃花花~~

我都係第一次自製閃閃花花, 原來都唔係好難, 用o左cuttlebug cut 花花之後, 將花花成張印膠水, 跟住就上金銀粉, 用熱風槍吹完之後, 成張花花就會閃令令啦~~下次可以試下

呢張就係我既製成品啦~~哈~~~真係好少女味呀~~~

仲有同其實blogger既製成品~~大家都做得好好呀~~

米太太workshop - 拮拮拮

又好開心呀, 之前join o左團購去上羊毛氈拮拮公仔, 之前已經想玩好耐啦, 不過都無呢個心機學, 今次有機會同o左blog友仔呀菇and佢老公菇爺一齊上堂, 其實都唔係好知點整, 淨係知道要不斷拮拮, 真係好好發洩~~kekeke~~~

不過最surprise係菇爺整果隻俄羅斯肥雞真係超得呀~~ 老師都讚好呀~~~而有黃色蝴蝶花花既就係我整啦~~紫色頭髮果個就係菇整~~~