188星級同學今次好厲害呀, 在香港食食食之後, 今次衝出香港添呀~~今次既目的地近近地去o左澳門, 我地今次plan o左好耐啦, 大家都好期待今次既旅程, 成個行程都係水舞間同埋食食食~~
我地分o左兩批人, 一批就由尖沙咀出發, 一批就由屯門出發, 但好不幸既唔知點解屯門線當日突然停航, 結果由屯門出發既朋友仔又要再買過飛去上環上船, 好彩結果都順利去到~~~
我地首先去o左威尼斯人酒店check in 先, 跟住就出去食我地既第一餐lunch, 呢個就係我地day 1 既搵食路線啦~~
首先參觀一下我地既房間先, 我地今次book既係兩張床房間, 間房好大呀, 有兩張4個女仔訓都得既大床, 另外仲有個偏廳, 最o岩就係一班朋友一齊睇波啦~~
我地第一站近近地, 就去o左官也街搵食啦, 第一餐要食得豪d, 就係去食魚翅撈飯啦,
呢個魚翅撈飯用既湯係肥美既雞湯, 最後d飯都吸晒d雞湯~~
我地今次既成員一行十人 - me老師&sam 哥, 梁啤啤&三少, apple妹&頓爺, 小谷&kin哥仔 同埋 米太太我&米少
食完好野, 就去食個甜品,呢一間莫義記真係老字號, 每一次都要黎食一食佢, 佢有好多都好好食, 榴槤雪糕啦, 木糠布甸, 雞蛋大菜糕都好好味
你睇下場面幾震撼, 一人一個, 人人有份~~
去完官也街, 正打算坐車去水舞間, 途中我已經心諗, 好想食葡撻, 好想食葡撻, 點知三少經過一間新好利餐廳就話, 呢間葡撻好食呀~~跟住我地就一齊走去食個葡撻, 正呀~~完成o左我心願啦~~~
睇完水舞間, 又到夜深搵食時間啦, 三少帶我地去媽閣廟附近食船屋餐廳, 不過可惜既係全部full booking無位啦~~~下次來一定要book位先得啦~~
跟住我地一直行一直行, 睇下行到邊間正就食邊間, 我地行下行下, 就去o左一間叫鳳城康記美食, 呢一間就類似大牌檔, 不過呢一間有一個招牌菜式俾我地吸引住~
就係以下呢一個海鮮煲啦~~真係好足料呀, 有好多海鮮放o左落去, 都唔係好貴, 只係$288~~好抵呀~~
另一個又係推介菜式, 就係手撕雞啦, 半隻都已經好大隻, 不過都俾我地清得七七八八~~
其他叫既都係例牌大牌檔菜式, 有椒鹽鮮魷, 椒鹽鴨舌, 豉椒炒蜆, 什菜煲
其實呢間野食物方面, 我地都覺得唔錯, 不過我地有一個唔愉快既經驗, 就係我地一路食, 就一路有曱甴出現, 嚇到我同小谷不斷尖叫, 但係果道d侍應都無人理我地囉~~~真係好激氣~~~所以我地所有人都處於好緊張既狀態之下食呢一餐飯~~
