情人節MINI ALBUM

各位朋友仔, 情人節快樂呀~~米太太今日同大家分享一下我既作品,
之前參加o左scrapbook fans club既交換情人節卡既活動, 整o左一個好特別既mini album送o左俾有緣人,
今次呢一個mini album是參考其他人既做法, 然後自己演變出來, 出來效果我好滿意呀~~

呢一個cover design用o左呢一set 既pattern paper已經有"feb 14" 既字句, 用來作情人節禮物就真係唔錯啦~~

蝴蝶係用BIG SHOT MACHINE 加刀模做成的~~心心既圖案亦係用O左木印, 用銀色突粉做成, 紅色的漸變效果都係自己用INK油出來的

內頁做o左6個page, 中間果4個page可以用來放message card 或者係靚靚相片~~

中間的內頁, 都做O左好多功夫, 包括有EMBOSSING FOLDER, PUNCH, DISTRESS INK同埋TIM HOLTZ 既STAMP做成的

最後面亦都寫低o左我既message俾收到既有緣人~~100% handmade by 米太太~~~希望佢鐘意啦~~

Scrapbooking Fans Club作品分享"聖誕卡交換活動作品展"

各位朋友仔, 今次為大家介紹另一個facebook fans page 叫做scrapbooking fans club workshop, 呢一個fans page 係集合o左超過200人既手作朋友仔係入面, 而第一個活動就係聖誕卡交換活動~~今次有大約80件既作品, 以下就係我米太太交換既作品啦~~



如果大家想睇埋其他手作達人既作品, 可以到以下既fans page 慢慢欣賞呀~~~

http://www.facebook.com/ScrapbookingFansClubWorkshop

[2013_01_22] JUDY簽名冊分享

做O左相架O甘耐, 終於有機會整其他東西啦, 今次整了簽名冊, 仲要係特別一點既綠色, 感覺好清新呀, 由於係簽名冊, 所以唔會有太多DECORATION, 因為要留番D空間俾人簽名~

今次用o左同一pad 既 蝴蝶 die cut, 所以出來既效果可以同一個theme~~

各位想知道我最快既手作仔作品, 可以去我FACEBOOK專頁like下呀~~
http://www.facebook.com/MiTaiTaiWorkshop

[2013_01_21] KATIE AND PERRY 相架分享

好開心今次幫KATIE整呢一個靚靚相架作為佢地婚禮佈置, 粉紅色加花花加蝴蝶加BLING BLING~~~呢一個係一個少女味極重既相架~WAHAHAHAH~~~







呢一個蝴蝶, 係我覺得最靚既一PART, 可能影相唔係太清楚, 其實佢有熨金既效果~

配上立體花花, 感覺好靚呀~~

寫上大日子既日期, 真係獨一無二呀~~

各位想知道我最快既手作仔作品, 可以去我FACEBOOK專頁like下呀~~
http://www.facebook.com/MiTaiTaiWorkshop

米太太WORKSHOP進駐油塘大本型JPULS

米太太好開心同大家分享一件開心事, 在籌備咗3個月之後,
米太太WORKSHOP會在油塘港鐵站上蓋既大本型商場入面既JPLUS檔攤寄賣, 依家暫定星期五(8/2)就會開幕, 其實在籌備的過程中, 一直都唔敢同人講, 因為一直都無信心可以完成倒呢一件事, 自己總係覺得會泡湯, 然後不了了之。
但幸好得到身邊的朋友支持, 而且得到另外4位手作達人成為我的伙伴之後, 增強O左我不少信心。

係籌備的時候, 自己每一日都在構思點樣可以做得好D, 首先第一件事, 就係一直都好想好想有自己自家品牌既LOGO, 得到朋友既幫助, 幫我DESIGN O左一個好清新既效果

做好LOGO之後, 就可以透過呢一個DESIGN, 可以做到其他既副產品, 例如有我地既LOGO 貼紙, 又例如我自製了一些利是封, 當然唔少得有我既靚靚NAME CARD

上星期終於都SET好場啦, 仲有3日左右就會開張啦, 其實自己做o左o甘多準備功夫, 有時都問自己為o左d乜野? 如果大家係手作人的話, 都知道整手作係唔會搵到錢, 有時仲要用好多既時間先整到一件細細既product, 但我自己只係覺得, 能夠得到別人既欣賞同肯定先係最重要, 而事實上, 我好希望可以透過自己既努力, 去實現自己少少既理想, 另外有另一個更深遠既想法, 其實希望藉著我既手作, 去宣揚對身邊最親既朋友家人既一份愛。

如果大家有機會經過的話, 都可以去參觀一下我既counter, 去support一下我地既DIY作品啦!!!! 

DIY聖誕卡作品分享

其實依家先寫聖誕卡好似有D過氣, 不過我自己好鐘意呢一批聖誕卡, 因為係跟隨自己喜歡既STYLE去做自己喜歡既卡, 所以好ENJOY今次既DIY 過程~~

首先俾D準備時候既相片俾大家睇下先~~

自己DESIGN既聖誕蝴蝶～～


仲有由一張普通既紅色同綠色紙演變而成既聖誕花花～～

另外呢一個都係自己好鐘意既，就係自己ＤＥＳＩＧＮ既聖誕ＴＡＧ啦～～

跟住就俾大家睇下我今年送出既ＤＩＹ聖誕卡作品啦～～

今次以上既作品都係在我米太太ＷＯＲＫＳＨＯＰ既ＦＡＣＥＢＯＯＫ　ＦＡＮＳ　ＰＡＧＥ　免費送出呀～～送到時朋友仔個個都好鐘意呀～～
其實做得幾辛苦唔緊要，得到大家既讚賞已經很足夠啦~~

各位想知道我最快既手作仔作品, 可以去我FACEBOOK專頁like下呀~~
http://www.facebook.com/MiTaiTaiWorkshop

米太太到澳洲過新年

米太太在12月至1月的時間離家出走, 走到地球另一端的澳洲去過熱辣辣的新年。

到了元旦前一晚，我們便準備行程去觀賞在sydney bridge 那裡的煙火表演，聽說元旦到數的煙火表演是sydney 一年一度的盛事，很多人都會從不同地方到sydney那裡慶祝，有些人甚至大清早到最佳位置等候，可以等上十幾個小時，所以我對今日的節目十分期待。
由於我們都是第一次到sydney看煙火，我們也是跟著人潮走到sydney bridge 的橋底，那裡位置也不錯，我們走到那裡已是十一點半，幸好只是等上半個小時就可以看到煙火，雖然短短15分鐘，但還是覺得很美，最震撼就是煙火在橋面上瀉下來的場面，在現場看實在非常震撼。

看完煙火過後，我們跟著朋友找一個地方busking,我們到了最多人羣的街上, 就停下來看他表演，由於節日關係，大部分途人都處於興奮的狀態，大家路過都會一起唱歌跳舞，氣氛十分好，大家都要求cyrill 將一些歌曲不斷安歌，一直就跳到4至5點才離開。

其中有兩幕最有深刻印象，其中一幕，就是cyrill唱出imagine的時間，其中有一對外國老夫婦，在cyrill前面跳舞起來，配上他們手上的彩色汽球，很有平和的感覺
唱到最後，那位伯伯還給了cyrill一個汽球，讓他放上天空，那個場景真是有說不出的美。

另一個場景，就是其中一個時候，大家都已經一起唱歌一起跳舞打成一片，有幾個外國人甚至開始點唱，站在咪高鋒前面唱起來，又有些人在前面一起跳舞，令我想起音樂就是能讓大家在不同國籍不同年齡的人拉近起來。那天晚上大家也過到很愉快，有很難忘的回憶。

雖然在澳洲的時間很短暫, 但在這十多天時間, 我真的感受到他們是怎樣"ENJOY LIFE", 真的很希望在香港也有著這麼的心境, 多一些留意身邊的人和事, 這就是我今年的願望。