Free prewedding photo by Danny

終於完成o左第一輯既free prewedding 啦，今次影既地點選了在中環區，時間都係影o左兩三個鐘左右，都唔算好長，不過我地都影到無晒mood，因為都唔係有好多景可以影~~

今次個攝影師叫DANNY，化妝師叫GIGI，佢地兩個都係想開自己既公司，所以就找D新人影多D PROFOLIO，相就要等1個月先有，俾住兩張花絮相俾大家睇~~~

 

呢張相係好搞笑，其實我地只不過在一條無人既後巷影相，完全一D景都無，我就睇下佢可以點樣化腐朽為神奇~~~

 

睇到呢張相，先發覺條裙都可以傘得幾開，呢條就係在淘竇網買，成為RMB$288.

影完相之後，都要有彈有讚:

(1) 讚 - 就係佢地兩個都好細心，有求必應，當我地兩個唔知做乜野既時候，攝影師都好認真O甘在度位，睇下在邊到影好D~~~仲有，講O左零收費，就真係零收費~~一D HARD SELL 都無~~

(2) 彈 - 可能化妝姐姐始終係業餘，化個妝化O左好耐先OK~~搞到我發吽呌~~至於攝影師就比較COOL，唔係好識叫你笑~~~另外好多時一個POST HOLD好耐，其實係一個POST佢會影好多SHOT，來來去去都係叫我地對望，KISS KISS，拖手，但就攪到我地好鬼死悶~~~

不過，最後補充一句，其實見過佢D相既質素，我對DANNY D 相都有少少期望，因為佢影D相係比較MOODY D ，我地之前又未試過~~~所以都OK嫁~~~就睇下佢點樣化腐朽為神奇!!!!

 

自製wedding website

見到有個朋友整o左個結婚網頁，整得好靚，問o左佢之後原來佢女朋友都係在一個外國既website整個free 既 website出來，佢個網頁都有十幾二十款default design 可以選，我覺得都唔錯呀~~~各位jm都可以整呀~~~

http://www.mywedding.com/

我自己都整o左一個website啦~~~不過我d pre wedding 既相未有，所以都未有好多野睇~~等遲d整多d野先share俾其他人睇啦~~~

3V影相 – 影相日[私有化]

 

終於都到o左影相既日子啦，之前果晚在酒店瞓都瞓得麻麻地，我地8:30去到，已經有好多pair人在化妝，我陪完我男朋友選擇完衫之後，我先去化妝，今日同我地去既工作人員有:

 

(1)   化妝師 – Ivy，化妝技術超勁，我同佢講我有大細眼既問題，佢都好有心機去處理，另外我買O左一D set 頭既相俾佢睇，佢都做到九成，好犀利呀~~~

(2)   助手 – 豆豆，我同我男朋友估佢應該好細個，但就好細心好聽話，完全係貼身既服務。

(3)   攝影師 – 阿權，之前只係知道3v阿杰係最出名，不過就未聽過阿權，不過都覺得佢影既時候都好有要求，好俾心機。

 

以下就係我地當日拍攝既花桇:

 

 

(1)   第一個地點 : 空中花園 – 婚紗

 

 

(2)   第二個地點 : 海灘 – 自己既黃色泡泡裙

 

 

(3)   第三個地點 : 仙湖 – 紅色晚裝

 

(4)   第四個地點 : 室內 – 銀色晚裝

3V影相 – 試衫記[私有化]

12月11日就係我地第一次影婚紗相既日子，我地兩個都好興奮，因為我地今次唔想影一d o甘傳統既婚紗相，所以我地都諗o左不同既點子突出自己。

 

我地因為約o左之前一日去試衫，就係上面過o左一晚，上到去試衫，選擇o左好耐都選擇唔到心目中想要既野，得好少款式可以選擇，後來經過我未來老公既決定，我地選擇o左呢三件衫影相:

 

(1)   第一個地點 : 空中花園 – 婚紗

呢一件婚紗真係好難選擇，因為實在太少可以選擇，有好多都係好普通，後來都係選擇o左叫做新潮少少既呢款:

 

 

 

 

(2)   第二個地點 : 海灘 – 自己既黃色泡泡裙

海灘呢個地點，我地最後放棄o左佢地既衫，我地著o左自己帶去既黃色情侶裝。

 

 

(3)   第三個地點 : 仙湖 – 紅色晚裝

仙湖本身有兩件選擇，兩件都係紅色，第一件就low cut 傘裙，比較普通，第二件就十分爆，我之前都未試過著，deep v + 露背，我男朋友話既然未試過，就選擇呢件。

 

呢件係一件，無選擇:

 

呢件係二件，選擇o左:

 

(4)   第四個地點 : 室內 – 銀色晚裝

室內呢件銀色，試o左好多件之後，最尾先發現呢件，試完之後又ok wor….

第一次淘寶成功 – 續集

上次買完淘寶之後，等o左大約5日之後就收到貨啦，當晚就急不及待返屋企試衫，見到條黃色泡泡裙quality都ok呀，因為條裙內藏鋼紗，所以著到上身都好挺，有泡泡裙既效果，因為訂既時候都知道個尺寸會爭少少，不過試上身之後都接受到。

 

另一條婚紗係度身訂做，都ok fit呀~~~另外買o左個nu bra，rmb$22，好抵!!!

 

事不宜遲，依家就俾大家睇睇我地試衫既相啦~~

我地兩個個樣係咪超低b呢!!!!到時一定會好搞笑~~~~我地呢套衫就會在深圳3v影相既時候去海灘影~~~真係超低b~~~

另外一條婚紗，款式屬於前短後長，size 剛剛好，肥d都著唔到啦~~~

第一次淘宝成功

見d 網友淘宝淘得o甘開心，我又學人試下去淘下先~~~

今次既target係我同我未來老公既情侶裝去影3v海灘相~~~上淘宝網做research 既時候，有好多困難，第一，就係我既選擇恐懼症又病發，都唔知choose邊一套好，第二，就係我同我男朋友既taste都有好大出入，我想要grand又想自己著得瘦d靚d，但佢就想choose d colourful 既衫，到最後我地都睇o左幾日，又問下其他人意見，到最後在維妮亞時尚主題城choose o左 呢套:

hehe.....係咪好搞笑lei~~~跟住我仲好叻o甘問o左老板娘攞o左張實物相，唔係exactly一樣，不過都同我心目中既差不多，一套成為$240~~~我覺得都ok啦~~~不過可能佢地內地同胞已經賺到笑~~~hehe~~~但係香港就一定買唔到啦~~~

買完條搞笑既，買多一條正經先:

呢條買完之後，都有少少覺得貴o左，RMB$288 ，計埋運費改衣費差不多HK$400~~~不過都係果句，香港$400未必買到啦~~~算啦.....

另外買o左 RMB$22 既 NU-BRA，唔知 WORK 唔 WORK 呢??

唔好話我偏心，買O左一件RMB$48蚊既裇衫~~~

全部東西都會下星期初收到啦，希望一切順順利利啦~~~

12月PRE-WEDDING SCHEDULE

睇番原來自己懶O左好耐啦，有兩個月無UPDATE個BLOG啦~~~

因為之前好多野都SETTLE 晒，所以呢幾個月都無乜新野好搞~~

呢一個12月好忙呀~~因為我有3輯 PRE-WEDDING會影呀

11/12/2010 會先到深圳3V影第一次既相，地點包括有仙湖，海灘，室內影，3月再影百花葵園

15/12/2010 影法國婚紗既免費PREWEDDING PACKAGE，以前已經CHOOSE O左裙....KEKE....CHOOSE O左 ANGELABABY 既黑白婚紗.....KEKE...一著上身已經好LIKE啦....

27/12/2010 新鮮熱辣，剛剛收到一個自來的EMAIL，話可以PROVIDE FREE PREWEDDING SERVICE俾我，地點我可以自己選擇，佢包化妝，我就要自己包交通AND 衣服~~~包大約50張相，一於膽粗粗試一試

由於法國婚紗既免費PREWEDDING PACKAGE係唔包男禮AND我又要買條裙影 27/12當日，結果我就開始我既淘宝旅程啦!!!!!!