Card Making Class in Oct 2011

呢個我估係我結婚之前上既最尾既card making class 啦, 因為我估計11月我會超越忙啦~~~

我地依家有5個blogger已經confirm會上miss choi 教既advance card making class 其中一款既機關咭

上堂既details如下: 

日期: 22 oct 2011
時間: 3:00pm - 5:30pm
地點: 奧海城附近

因為越多人參加, discount越多呀, 如果有興趣既blogger就send message俾我啦, 我再send d details 俾你地啦~~

試做diy囍帖

上回講到, 因為張帖only用酒樓送那個design, 又無乜美感, 所以打算自己diy那張帖, 但在帖未到手之前又想試下整, 於是好白痴地諗o左個方法出來, 就係cut o左一張同張帖一樣size既咭出來, 然後模擬diy一次出來~~keke~~真係覺得自己超無聊~~~

就係呢張啦, 仲特登用張粉紅色扮囍帖~~~

以下就係我既design啦, 將張帖封面punch o左條邊, 餅咭又punch o左個囍字, 呢住簿利是, 餅咭 and 地圖咭打完孔之後, 用金色繩穿起佢, o甘就大功告成啦~~

另一個角度睇啦~~雖然唔係話d好特別既野, 不過我只係覺得串起佢, 就唔會o甘麻煩驚d野跌出黎~~~

 

9 月份Cheerful 模特兒新娘造型活動 by CHEERFUL WEDDING PRODUCTION

上網見到CHEERFUL WEDDING PRODUCTION進行模特兒新娘造型活動, 我已經報O左名啦, 有無人有興趣??

  Cheerful Wedding Production

想穿上婚紗/晚裝拍攝造型照嗎 ? 想為自己影一輯靚相留念嗎 ?

現在就有機會了……

我們現正進行

模特兒新娘造型活動

(歡迎學生參加架．．．)

內容及條款

- 化妝師 -

Cheerful Group Chief Artist - Vince Ng

Cheerful Group Artist - Angie Wong / Carol Yip

Makeup Artist - Maggie / Clare

• 由化妝師安排的新娘造型拍攝.
• 禮服多為Low-cut 或有可能是中式禮服，模特兒門請穿著合適服裝／打底內衣，配合拍攝．
• 拍攝之化妝前後相片，有可能會於Blog / Facebook / Album 內發表
• 妝前照會以自然為基礎, 絕對不會刻意醜化來增煦化妝前後的對比效果.
• 相片拍攝效果大約與Demo Photo 相似
• 一位模特兒造型及拍攝約３小時
• 造型相會以電郵附件方式寄給你們.
• 基於地方有限，拍攝將不會安排非模特兒人士參觀．
• 招募屬義務性質, 不涉及任何金錢或收費

造型相片歡迎公開, 公開時請copy 以下字句

[相片由 Cheerful Wedding Production 提供]

~~ 報名方法 ~~

Step 1

在Cheerful Blog 內私人留言: [姓名 , 聯絡電話 , Email ]

Step 2

到Cheerful Facebook ”讚好”專頁 同時留言話俾我地知你已在Blog 留言

Cheerful Facebook 專頁

http://www.facebook.com/pages/Cheerful-Wedding-Production/177733405588553

Cheerful Wedding Production Blog –

http://hk.myblog.yahoo.com/cheerful-makeup

注意 !! 你們須完成Step 1 + Step 2 ，我們才會處理報名資料！　

我們會以email 確定安排，敬請留意你們的Email Box ！

報名者須為本人, 一個Account 只接受一次報名, 不設代報,敬請留意 !

<<8 月份再次出現...報名者臨時缺席>>

如果報名後又不想參加, 請盡早Email 通知我們, 以便我們可以安排Waiting List 的Blog 友補上.

<<在此希望各位決定參加活動的Blog 友報名前考慮清楚是否有時間出席,以免浪費了一個名額 !!!>>

名額有限 ! 機會難逢 ,快d黎留言報名啦 !

留意以下的日期及時間,先報先選.

詳細如下 :

日期 :

2011 年 9 月 10 日 星期六

2011 年 9 月 17 日 星期六

2011 年 9 月 24 日 星期六

時間 : Part A - 13:00 PM- 16:00P M Part B - 17:00 PM - 20:00 PM

地點 : Cheerful 灣仔Workshop

成長片段製作中

唉....之前果一個星期不斷趕工, 就係想five d 搞掂攝影公司free既成長片段, banner and 簽名布, 星期六去到, 點知全部俾人彈番轉動......

首先, 我地打算加多一本相簿, 原先上個星期佢同我地講做一本12寸收$360,我地都覺得ok, 所以都打算整, 點知星期六去到佢話成本上漲, 要收$680, 所以我地就決定唔做

另外簽名布, 佢話我地張相揀得唔好, 因為我地揀o左一張米少在前面, 我在後面, 佢話o甘樣唔係o甘好, 又要再揀過.....

跟住就到banner, 我個friend 之前幫我diy o左張banner, 佢俾o左AI FILE我, 不過佢地唔收 AI FILE, 又要再搞過.....

到最後, 成長片段d相佢話我地SCAN D QUALITY唔夠好,
又話首歌太長....所以到最後.....全部都做唔倒...

其實都唔怪得佢既, 有D位確實我地無留意, 不過經佢地提, 我地先覺得好似有D問題, 所以咪要執好D野先再去整~~~不過我覺得最唔順氣, 就係之前明明話收$360既相簿, 突然又話收$680, 之前又明明話可以有多幾份禮物可以揀做banner, 跟住又話成本上漲收多$50, o甘都得既~~~真係好野~~~ 好彩我地早d準備, 如果唔係到最後先搞肯定激死我地~~

banner design by Akiting workshop

原來唔覺唔覺仲有3個幾月就到大日子啦, 所有野都開始轉入大直路啦, 已經開始印帖, 搞成長片段, 整seating plan等等.....

因為我地既攝影公司no. 1 攝影可以包兩張banner, 不過見佢地俾我地既design簡直不堪入目, 跟住個sale姐姐仔話可以自己design, 好呀~~有得design o甘就good啦~~~
返到屋企就即刻揀相然後就brainstorming一下可以點搞~~~

第一款design, 就係好似証件相o甘, 木木獨獨, 好似無乜特別, 中間仲好明顯好似分開o左對手o甘~~

 

第二個design, 變o左面對面, 比第一款生動好多, 不過呢一個design 好似無d graphic 襯下好似無乜feel, 所以就找o左我個男性好姊妹幫我手再整靚佢~~

呢個就係我個friend send番俾我既 banner design, 我地都好滿意啦, 加o左d graphic 又再靚d啦~~
佢仲幫我設計o左個slogan, 盡情影, facebook us~~好搞笑呀~~

  

不過講個秘密俾大家聽, 唔知有無聰明人留意倒呢??其實原相係我地兩個拖住手跟住係相反方向背對住對方??我就將佢改番係對望, 你地話係咪好有創意呢??

囍帖

到趙太shop朝完聖之後, 緊接住, 就係去o左金都揀我地既囍帖啦, 由於囍帖呢樣野存有價值實在太低啦~~基本上, d人睇完張帖之後好多都唔會keep, 通常都好快就掉o左佢, 所以我地都agree o左 只會用酒樓送既囍帖就算啦, 去到金都, 都有十幾款可以揀下, 不過都覺得好多都普普通通, 到最後都係用o左"櫻花"呢個theme既宗旨, 就揀o左粉紅色既囍帖~~~


就係揀o左以下呢款啦~~~依家我都諗緊, 點樣可以發揮我既diy~~~可以將佢化腐朽為神奇呢???

朝聖趙太新shop

去完試酒會, 就同o左米少去o左趙太尖沙咀既新店係逛逛, search o左個地址在堪富利士道, 某人同我講話佢知道係邊, 跟住佢行就得, 結果行呀行呀, 行o左好耐唔係好對路, 原來佢帶o左我去亞士厘道囉~~~~~hoho~~~

結果都係要靠iphone囉~~~

上到去, 環境唔錯wor~~~因為新搬到既關係, 趙太話好多野都未搞掂~~~d布板好多都唔齊~~我地同佢講話12月要件衫, 佢就話....唔駛o甘急, 你預兩個星期俾我就得啦~~不如你遲d再黎過啦~~hahaha~~~

 

呢個就係傳說中既趙太啦, 佢好好人, 好nice呀~~~~唔知佢鐘唔鐘意上鏡~~~所以唯有馬賽克o左佢啦~~~

我地想訂佢手上那件ruffle既shirt~~quality 都唔錯呀~~$300訂做~~都算合理呀~~~

試酒會 BY 囍訊

上星期六去o左由囍訊舉辦既免費試酒會, 自己師奶仔性格又走o左去報名參加, 去o左一間在佐敦既賣酒舖頭參加, 那個sale都好nice, 俾o左五種不同國家既酒俾我地試, 可能自己平時一餐飯only會飲一支酒無得compare就唔會識得話好唔好飲, 但當試了五支不同級別既紅酒之後, 就明顯分別到邊一支係"那"喉, 邊一支係滑d~~

其實有好多飲紅酒既常用名詞都唔係好識點講, 不過叫做學多d野, 知道多d關於紅酒既認知都唔錯呀~~

一個多小時既時間, 米少不斷發揮搞gag既本色, 例如紅酒係紅色啦~~

這張相是那間shop既人員幫我地影嫁~~~好自然呀~~~

 o no~~~你地睇下米少個衰樣~~~~

 

 

 

試新印台

之前買買埋埋買o左好多野都未有時間用, 實在買左好多新印台, 尋晚得閒開o左呢試下~~~用o左以下雀仔既模~~好得意wor~~



試o左四張, 上面兩個係我在淘寶買返來既印台, 價值rmb$48 for 9 個, 呢幾個印台有膠水既成份, 可以落凸粉, 下面4個就價值 hkd$99 for 4個, 自己本身已經有閃既效果, 來路貨~~

可能我之前唔係好識得用個stamp, 同埋下面兩個印台太多墨出來, 結果所出來既效果都唔係o甘好~~化開晒~~唔靚

試o左失敗之後, 我就決定用膠紙fix o左個stamp 之後, 再用淘寶印台印圖案, 出來效果都唔錯~~ 

果d咭仔, 都係上次淘寶買, 我自己懶叻, 自己無寫到要乜野顏色, 如果佢俾o左白色我, 真係激死我, 真係要好好諗下點用好~~~

card making class by Fliegen

星期四同o左poki去o左Fligen Scrapbook & Craft Store 學整機關咭, 上到去尖沙咀solo building, 全層都係一個個細既舖頭仔, fligen那裡簡直係我夢想既舖頭, 雖然地方細細, 但又可以買手工物品, 又可以教人整手工, 又可以隨時幾時整都得~~真係我既dream~~~

今次係整一張機關咭, 導師melody已經寫好晒d尺寸, 只要跟住做就ok啦, 都好易跟呀~~~

依下就係我既製成品, 未打開之前, 好似一張普通既咭~~



打開之後, 入面整o左個love字, 右手面拉出來既位置, 就可以加相or想寫既字~~

由於Fliegen剛剛做promotion, 上course有$150 coupon送~~所以我就買o左以下三樣東東, 後面那張係一張die cut o左既不同圖案, 前面就係clear stamp and 印台

又見到呢個big shot machine~~頂....又俾d魔鬼引誘啦....點呢......究竟 cuttlebug定big shot machine呢??

又有card making class, 好抵!!!

繼上個星期上完card making class之後, 我地既老師miss choi 又 offer o左另一個course俾我既朋友仔一齊上呀, 如果有一定人數仲可以有discount價添~~~hehe~~

唔知有無blogger有興趣呢??

依家暫定 22 oct, 23 oct or 5 nov, 睇下邊一日多人上就邊一日上堂啦~~

有興趣請私人留言俾我啦!!!

尋找blog友

發覺自從yahoo blog upgrade之後, 真係有好多blog友無心機寫blog, 一來寫o左又好似無人睇到, 二來人地update完又睇唔到, 真係激死!!!!

如果你地想contact番我. 希望大家 add 番 我facebook 啦, 真係好想尋找番d blog 友仔~~

我email: carmenrico1217@yahoo.com.hk
facebook name: 米 太 太

大家快快add我啦, 我寫完既blog會即時在facebook update 啦!!!!

我的美麗日記

做女人真係好煩, 細細個以為自己後生, 天生麗質, 所以唔識保養自己既皮膚, 到依家大個o左, 想補救, 但已經太遲......曾經有一段時間, 勁爆暗瘡, 完全control唔到, 都唔知用乜野方法, 又試中醫, 又試西醫, 又做facial, 都無用, 不過後來護膚好o左, d瘡瘡又自動消失晒~~~

為o左keep 住個靚樣, 自己都開始買o左好多野在塊面上~~

自己都覺得好煩, 不過為o左靚都要keep住, 你地睇下, 我每日就係"茶"o甘多支野在面上....

由左至右: 落妝水, 洗面gel, 爽膚水, B5 gel 精華, 茶樹精華, 日霜, 眼霜, 眼 mask, 水份 mask  

 

 

強烈對介!!!! B5 GEL 真係好好, 有無JM有用過???我已經用o左第三支啦, 已經覺得水份真係好高, d皮膚真係好吸收, 堅得!!! B5 GEL + 茶樹精華呢個combination 真係暗瘡皮膚既恩物~~

那個 eye mask都好方便, 茶完可以訓覺都ok~~~我眼袋既眼紋同暗粒都退o左好多~~~

所以話呢~~女人錢真係容易羸~~~

card making class

早兩個月前, 我在yahoo blog 搞o左一個試堂既course, 結果反應真係十分之好呀~~total 超過有90個留言, 最後有11個人參加呢個course, 仲有一些blogger參加唔倒呢個course, 令到一些blogger參加唔倒真係唔好意思啦~~~

我地今日上到去, 上堂既miss叫 miss choi~~~真人真係好nice呀, 解釋得好詳細呀~~我地今日會整一張card出來, 可以用到cuttlebug做壓模, cut模, 又可以試下用ink做上色and 用粉+熱風機既技巧

第一個step: 在一張已經壓o左圖案既紙上色~~又襯下d background紙~~~

 

你睇下個個都好專心o甘去做呀~~個個都好埋頭苦幹~~~



第二個step: 試下用個壓模機~~真係唔係太難用wor~~好方便呀~~~

第三個step: 整o左一個牌仔在咭上面~~~然後在上面stamp上just for you, 加上粉 + 熱風槍~~~



第四個step: 在左下角再加上花花立體花花, o甘就大功告成!!!!呢張card都算容易整呀~~~整到出來都唔錯~~~~~




我都有d興趣想上佢那個 advance 既course 呀, 唔知大家有無興趣呢??如果有興趣我又試下組團呀~~不過應該會係九月尾or十月我先有時間上~~如果有興趣就留言俾我啦~~~

Scrapbook material [ August 2011]

又買啦, 又買啦, 次次都同自己講唔買o左多, 但到最後都係買o左一大堆野返來~~

今次target係貼紙同埋裝飾既東東~~買o左好多好多貼紙~~都係around rmb$100左右~~平均一張都係 rmb$4-$5~~



以下呢一款真係超值, 都係rmb$3.8~~~quality一流!!!

另外呢d立體花花貼紙都好靚好抵~~~分別 由左至右 rmb$4.8, rmb$2.8, rmb$2.8

 

跟住在另外一間shop買o左d 12x12 and 8x8寸既background 紙~~價錢rmb$1.0~~簡直超值!!
立體花花and lace 花邊都係一些好好既飾物呀~~~

找o左第三間shop, 又買o左好多心心, 花花 and 魚魚~~仲有大size既天使蛡膀~~好靚呀~~~

今個月最貴就係呢個, trimmer機~~o甘以前cut直線就唔需要o甘辛苦啦~~多謝yahoo blogger poki 既arrangement~~幫我買o左呢個野返來~~