米太太WORKSHOP : 12月 2011

2011年12月26日星期一

婚後評價 – 佈置 - HALOLO CONCEPT

我估好多有我facebook既B2B都已經睇過我既婚禮佈置@HALOLO CONCEPT, 所有黎到既賓客同埋無黎既2012JM, 都對於呢一個20尺BACKDROP激讚!!!其實HALOLO CONCEPT係我既伴娘新開既佈置公司, 今次我就做佢既顧客做試驗品, 在DESIGN既過程我都參與O左好多, 其中我提出既要求, 就係我想將我影O左O甘多輯靚靚PREWEDDING相放出來俾大家睇, 另外我想有一個心意CARD CORNER 可以俾人寫低MESSAGE俾我, 等我可以番屋企再睇下D賓客留俾我既祝福。跟住HALOLO CONCEPT 就用了我既櫻花既主題, 幫我設計既一系列既DECORATION。

BACKDROP:

左手面SHOW o左我既prewedding精選相片, 中間係我地既1比1既相片, 可以俾賓客同我地一齊合照, 右手面就係我request要既心意card corner, HALOLO好有心思, 佢將我地BACKDROP既櫻花圖案整o左一d message card, d賓客寫完之後, 就可以將d card 釘上個backdrop, 感覺就可以將棵櫻花樹開d花花出來, 左右兩邊仲加多兩棵櫻花樹, 俾人感覺更加3d感。

backdrop全景圖

左右兩邊都有櫻花樹, 有3d既效果呀~~

左面 - prewedding精選相片, 中間 - 1比1既相片, 右面 - 心意card corner (p.s. 你地睇下米少個頭, )

米太太 and 米少 die cut logo~~~

櫻花圖案心意咭, 賓客寫完之後, 我番到屋企可以慢慢睇~~~

Candy corner & 相簿區:

Backdrop下面仲設有一個candy corner &相簿區, 其實話俾大家聽, 我伴娘話我d相簿多到無位放呀~~~哈~~~

同埋你地唔好睇少個candy corner, 其他準備呢個candy corner都好痛苦, 其中既粉紅色and白色既m&m其實係由美國空運過來, 都唔平嫁~~都係為o左配合我地既粉紅色婚禮主題, 另外仲有花o左好多時間去揀適合既糖果, 因為又要揀d colourful既糖糖, 又要等d賓客容易去攞d糖去食, 另外去handle d candy jar 都係好麻煩既事, 因為都好驚會打爛呀~~

candy corner

相簿區, d相多到放唔晒~~哈~~~~

Menu:

其實之前我都係睇倒個graphic既圖片, 我無諗話出來既效果會o甘靚~~HALOLO仲好有心機幫我DIY o左 bling bling閃石, 出來效果好靚呀, 好鍾意呀~~

相片CARD套:

呢一個係我特別REQUEST要整既一個ITEM, 因為我覺得其實DECORATION只可以在當晚出現, 但唯一相片CARD套就可以俾賓客收到靚靚既KEEP住返屋企, 所以我真係推介呢一個ITEM要整得靚靚, 因為自己DIY, 想影乜野圖案又得, 加自己張相又得, 寫自己想寫既MESSAGE都可以~~

SEATING PLAN:

呢一個我地無乜特別要求, 唯一我地想既就係每圍既人名, 其實係當日先PRINT出來貼上去, 因為我地怕最後一日都會有任何既更改, 而呢一個決定亦都係明智既。

總括黎講 , 今次既DECORATION真係十個滿意, 所有野都係我心目中想要既, 如果大家想要介紹, 歡迎留言呀~~~

婚後評價 – 化妝 - MUA FIONA FI & KATHERINE

[米太太會而一個中立既角色作出評價, 好的當然要讚, 唔好既都會寫出來, 等大家都可以作出進步, 大家都會以客為先]

搵完酒席, 第二樣好緊張要book既, 就係MUA啦, 雖然我擺酒果日, 都已經唔係好日子, 但我找o左好多MUA都 full o左, 後來找到Fiona Fi , 俾佢SET既台式新潮髮型吸引O左, 跟住就搵佢試妝, 有好多B2B都會找好多果MUA試妝, 但我就好大膽地ONLY試o左一次就已經confirm o左fiona fi, 其實起初俾Fiona試妝既時候有D擔心, 因為佢試妝既時候係o甘問我你鐘意d乜野style, 但佢就唔會recommend d 乜野妝and髮型俾我, 搞到我好無助, 因為我expect我既mua可以俾d意見我, 可以講出有d乜野係適合我, 不過好可惜係fiona fi 係無意見俾倒我, 而且果次試妝, 我仲覺得Fiona 好鬼cool, 唔係好soso, 所以我都驚到時佢會黑面。

到o左BIG DAY果日, 以上我所講既問題都完全無發生過, 我知道我當日已經係佢第三日既JOB, 我知道佢一定係好累, 不過我約佢7點到, 佢6:40已經打俾我, 話佢已經係樓下, 我仲要未起身添~~~佢對新娘子既我都好體貼, 成日講d野叫我放鬆d。 當日既髮型, 有一D係我指定, 有一D就係隨佢自由發揮, 不過全部既髮型都好滿意, 尤其是我指定要既玫瑰花髮型, 我真係超級鐘意!!!至於妝方便, 都係我心目中想要既妝, 好自然, 同埋fiona fi 貼假眼睫毛既手勢真係一流, 我覺得今次貼既假眼睫毛係最舒服既一次, 完全係無覺得重既感覺, 我知道有其他B2B都會投訴mua轉妝轉得慢, 但Fiona就一定無呢個問題。

不如大家睇下我當日big day 既所有look啦~~

裙掛LOOK:

因為我自己無時間準備鮮花, 所以最後用了FIONA FI 既靚靚頭飾, 我D姊妹都話好靚呀~~~好襯我既STYLE~~

註冊LOOK:

註冊LOOK通常以簡單為主, 我就整O左呢個KELLY頭啦~~



近賓LOOK:

近賓LOOK我無特別要求, 只要配合個頭飾就OK啦,效果都唔係太老餅, 好YOUNG呀~~~



進場LOOK:

進場LOOK我REQUEST O左FIONA FI 幫我買鮮花, 我話我好鐘意鮮花呀, 希望要FIONA FI幫我SET個花仙子頭呀, 都好靚呀~~~不過俾米少搶晒鏡囉~~~你睇下佢, CHOP到爆~~連FIONA FI 都讚好~~



敬酒LOOK:

呢個敬酒LOOK就係我最欣賞既玫瑰花頭, 呢個簡直係FIONA FI 既獨門秘方, 真係好靚呀~~我估唔倒呢個頭都好襯我呀, 呢張相係COPY FROM FIONA FI FACEBOOK, 我都估唔倒我可以成為佢ALBUM裡面既其中一張相呀~~好開心呀~~~

送客LOOK:

我估好多人都覺得好SURPRISE, 我地既送客LOOK, 係ADIDAS TRACK SUIT 套裝, 真係型到爆炸!!!!!! 今次FIONA FI 就整o左個花仙子造型, 感覺都唔錯呀~~

同場加演, 就係fiona fi 既徒弟Katherine幫我 set o左一個外景妝and頭, 其實我一早已經留意o左佢好耐, 我覺得佢set 既頭都唔錯呀, 所以俾佢試下, 大家睇下good唔good~~~

有讚就要有彈啦…….唔…..其實都無乜野好彈….如果真係要彈既, 就係fiona fi 實在接太多job, 有時精神上和體力上都可能會應付不下, 所以佢一定要休息多d先得, 同埋, 如果fiona fi 可以在big day之前可以俾多髮型上既意見會好d, 因為如果有佢既專業意見, 可能出來既效果會好一點。

婚後評價 – 酒席 - 煌府188

[米太太會而一個中立既角色作出評價, 好的當然要讚, 唔好既都會寫出來, 等大家都可以作出進步, 大家都會以客為先]

在一年半前, 我地已經不斷四出尋找酒席, 米少有佢自己既堅持, 就係一定要揀星期六擺酒, 地點亦都要揀油尖旺區, 不過經過我地找o左超過20間酒樓之後, 有好多酒樓都已經full晒啦, 最後, 在一次偶然既機會下, 接觸到煌府呢一個集團, 初初是睇旺角道and始創既場, 不過當然呢兩間都係舊裝修, 都唔係好吸引我地, 不過後來就到o左煌府188果場睇, 呢一個場就係剛剛新開張, 所以d裝修同佈置都唔錯, 一入去, 遇上的經驗豐富既APPLE姐, 佢係一個好爽快既人, 我地準備問既問題, 佢都好直接講, 有既一定會俾你, 無既就點問都無, 終合所有既條件，結果最終我地都選擇o左煌府188作為我地既婚宴場地。

因為自己既貪玩性格, 自己膽粗粗一個人都唔識既情況下, 在呢一年裡面參加o左好多由煌府舉辦既新人聚餐, 包括188新人聚餐, 荃灣分店開張聚餐, 仲有halloween party, 透過呢幾個event, 唔單止我, 連米少都開始識o左唔少煌府既朋友仔, 仲成為o左互相support既好朋友。

我估煌府另一個成功之處, 除o左會舉辦好多新人聚餐之外, 煌府對於番新場地真係不惜功本, 好似煌府188為例, 開業一年左右, 已經再番新台上既backdrop, 又加了LCD大電視, reception和枱上既花花decoration都番新的, 絕對是以新人為出發點。 另外, APPLE姐亦都好體貼各位新人, 就算佢幾忙, 佢都會事先約新人開一次會, 睇下對新人有乜野特別要求。

煌府188門口位置

特大新娘房

B場未番新之前

B場番新之後的大電視

B場番新之後的靚靚BACKDROP

講番我地BIG DAY既安排, 我地今次有好多特別既環節要進行, 包括一個20尺既大backdrop, 即場註冊儀式, 席前既自拍video, 進場形式亦以唱歌既方法, 雖然我同米少都好多要求, 但係就全賴煌府188既所有員工既配合先得以順利進行。 最重要既真係要好多謝煌府188人見人愛o既Apple姐, 佢真係好有經驗, 對所有新人都係出於真心去幫, 佢亦都幫我地控制時間, 處理危機亦做得相當好, 口才了得, 又識攪氣氛, 仲有一個對於新娘子好重要既角色, 就係貼身助手婷婷啦~~婷婷真係超級細心呀, 對於新娘子黎講, 最麻煩就係驚d衫著得唔靚, 又驚走光, 又要在o甘短時間pack好d衫, 婷婷都幫新人處理晒呢d問題, 真係抵讚呀!!!(連米少都有少少鐘意左佢), 仲有靚仔志強(大強)都好幫得手呀!!

如果要彈既, 就係音響方面, 因為我地當日都有好多聲帶and video要播, 可能我地事先又無講得好清楚俾酒樓聽, 所以有d情況就出現o左有畫面無聲, 或許係d歌會播到亂晒, 不過開席既時候總會有呢d混亂既情況, 有時真係好難避免。另一樣要彈既, 就係我地後來發現, 對於酒水方面既處理好似有少少問題, 例如我地要求主家席要用自己帶來既紅酒, 不過後來都係無用到, 另外有一些朋友, 連有紅酒飲也不知道, 到最後見其他人有得飲才知道．不過其實呢d都係小問題,對於當日既service同氣氛都係十個讚, 食物方面都合格and無乜特別既問題。