熱風槍放售[SOLD OUT]

回憶番上一年既時間, 幫其實朋友仔團購o左熱風槍, 但之後先發現, 原來我訂多o左兩套, 唔知有無人想要呢???
有興趣請留言, 會以超低價發售~~~

http://blog.yahoo.com/carmenrico/articles/52494/

煌府188代表出席百萬行[私有化]

今次無啦啦唔知點解去o左同188既新人一齊去行百萬行~~~其實理由好簡單, 我地188既同學仔貪玩囉~~~hohoho~~致在一大班開心高興~~~
出發前, 同陳博士影將大合照~~wahaha~

188男仔組一張~~

188女子組又影一張~~~


我地個個都笑到唔停~~~哈~~~都唔知點解o甘多野有得笑~~~不過同188同學就有好多歡笑聲~~~

米太太workshop - 情人card

又又好開心呀, 今次同一班靚太去o左 Korea Station 上團購紙工藝DIY相架班,  今次我地整o左足足3個鐘, 今次亦都用o左好多technique, 例如 corner punch, stamp, 油木顏色, 用cuttlebug, 自製閃閃花花~~

我都係第一次自製閃閃花花, 原來都唔係好難, 用o左cuttlebug cut 花花之後, 將花花成張印膠水, 跟住就上金銀粉, 用熱風槍吹完之後, 成張花花就會閃令令啦~~下次可以試下




呢張就係我既製成品啦~~哈~~~真係好少女味呀~~~




仲有同其實blogger既製成品~~大家都做得好好呀~~

米太太workshop - 拮拮拮

又好開心呀, 之前join o左團購去上羊毛氈拮拮公仔, 之前已經想玩好耐啦, 不過都無呢個心機學, 今次有機會同o左blog友仔呀菇and佢老公菇爺一齊上堂, 其實都唔係好知點整, 淨係知道要不斷拮拮, 真係好好發洩~~kekeke~~~

不過最surprise係菇爺整果隻俄羅斯肥雞真係超得呀~~ 老師都讚好呀~~~而有黃色蝴蝶花花既就係我整啦~~紫色頭髮果個就係菇整~~~



哈~~你地話靚唔靚呀??快d讚靚啦~~~hohoho~~

米太太workshop - centre step card

好開心, 一有時間就同o左我個好伴娘開壇整手工啦~~, 今次我地整既係 centre step card~~都係上網search youtube照住整呀~~keke~~



左面係伴娘朋友仔整既藍色theme, 中間 and 右面係我米太太整既黃色and紅色系列~~我整果兩張都係送俾我3月結婚既網友 - 小谷 and Shirley呀~~

以下呢張相就會見倒內頁呀~~今次既經驗所得, 就係雙面紙真係好好用呀~~我可以用一張紙就可以襯到成張card出來啦~~下次都要買多d雙面紙~~



其實上網都會見倒好多有關既片, 以下係其中一段片~~

米太太 & 米少 match in 片段

上回講到, 我就揀o左命硬唱, 不過米少就放棄o左首無賴, 不過最後揀o左乜野歌呢??答案就係丁子高版本既飛女正傳啦~~~今次真係要讚下米少, 確實呢一首歌就真係好過無賴好多倍

, 現象氣氛都好好多~~~

今次我地打破傳統, 我地今次係我唱住歌進場, 然後先到米少唱, 跟住我地就在台上一齊手拖手合唱, 全場人都high爆呀~~~我都share 條片俾你地感受下個氣氛啦~~

米太太 & 米少 久久久但願人長久2009

係未show我地入場片段之前, 我想加插一篇blog, 講講我點解要唱命硬呢首歌, 因為我地當時開始既時候剛剛係側田好紅既時候, 佢首命硬唱到街知巷聞, 而且首歌既歌詞係好海誓山盟, 所以就好中我地當時既心情~~

“他…反對就反對…亦都跟你愛下去…..”

除o左以上簡短既解釋之外, 米少之前都打o左去商業電台久久久但願人長久既電台節目, 事緣就係當時佢無同我慶祝一週年紀念, 佢知道我唔開心, 所以就打o左去上電台say sorry啦~~當其時都好開心好surprise嫁~~~其中都有講到我地對呢一首歌既感覺, 就係因為呢d種種既原因, 所以我到最後就揀o左命硬呢一首歌在我big day 既時候出來唱啦~~

跟住果篇就會見到我地big day出場既時候係點啦~~~

我地去O左錄音呀~~[下集]

如果有追開米太太blog既朋友, 都知道我同米少在結婚之前去o左錄音, 打算在我地big day果日進場時候用
è http://blog.yahoo.com/carmenrico/articles/387293/date/201112

 

不過果時就無講到係錄乜野歌, 其實我地就分別錄o左命硬同埋無賴呢兩首歌, 至於米少唱o左邊一個音唱o左7至8次呢???大家聽完之後估下~~~

 

 

開估啦, 就係無賴個 ”賴” 字啦, 好搞笑呀~~唔知點解每一次都”賴

”唔倒果個音~~你地可以聽下升完key之後果個”賴”字係怪怪地呀~~

 

不過到big day 之前果日, 米少都係覺得無賴呢首歌唔係好適合big day又其是係進場播, 所有在之前果日就決定改歌, 仲要現場唱添~~究竟係唱邊一首歌??下一篇blog話俾大家聽~~~

婚後評價 – 黃家興律師

[米太太會而一個中立既角色作出評價, 好的當然要讚, 唔好既都會寫出來, 等大家都可以作出進步, 大家都會以客為先]

在大約book完酒席半年之後, 即係結婚一年前左右, 我地已經計劃book註冊律師到酒樓註冊, 一來唔駛o甘頻撲, 二來又唔駛另外book場地, 係埋煌府188搞埋就真係very good啦~~

得到其他人既介紹, 我地搵o左黃家興律師幫我地做註冊儀式, 我好記得第一次打俾黃律師, 我地話…..黃律師, 我地想找你幫我地做註冊律師,,,,,跟住佢就答得好爽話~~~唔好話幫, 你俾生意我就真~~~, 真係笑死我~~

 

對於黃律師既COMMENT, 我唔講o甘多啦, 不如大家一齊睇片啦~~~

 

有人就覺得佢好長氣, 同埋講野一式一樣, 但如果我作為第一次聽佢做註冊, 同埋係台上作為主角既時候, 感受更加特別深~~覺得佢講既野都好感動~~非常之good呀~~

米太太婚後吐苦水~~[私有化]

 

出o左o甘多個公開既blog, 呢個blog就想私有化啦, 因為呢個唔開心其實都唔想提~~不過婚後都唔開心o左一陣子, 如果大家有追開我個blog, 都知道我既姊妹係會唔著姊妹裙, 而係會著一件粉紅色既西裝~~

 

在big day 既早上, 我見倒佢地個個姊妹都有著件西裝, 感覺都好一致, 雖然有d姊妹就著裙, 有d就著褲, 但對於我來說尚可接受

 

兄弟方面, 我地只係安排了bow tie俾佢地, 之前亦都有同佢地講要著黑色西裝, 不過到後來, 最終有一個兄弟著o左灰色, 有一個就著o左黑色皮褸, 有一個著o左牛仔褲, 有人又著o左啡色鞋, 有人著o左波鞋。不過早上既服飾都尚可接受。

 

去到晚上, 就係我 “火火火” 既時候, 由於由 12:00 – 18:00呢段時間我地only出去影外景, 所以我只係request我d兄弟姊妹around 16:30回來幫手就ok, 不過我其中三個姊妹中途去o左睇戲, 佢地一早有同我講~~~ok….都算, 無問題, 不過到最後就 18:00左右先番到酒樓, 18:00註完冊, 大家兄弟姊妹就來一張大合照, 結果我發現, 有兩個姊妹上台既時候無著到件西裝, 成個畫面即刻錯晒, 原先齊齊整整既相, 到最後搞到不知所謂, 就算註完冊之後, 佢地就話…都無乜野做呀….跟住就去o左同人打麻雀~~真係好激氣~~~

 

到o左男兄弟啦, 又係註完冊影大合照既時間, 你地有無覺得有乜野問題???我地見倒佢地係除o左伴郎有帶bow tie之外, 其他兄弟都係全部無帶bow tie, 另外d襟花又係有d人有, 有d人就無o左~~全部都好似錯晒~~~

 

其實搞o左結婚o甘耐, 我覺得最難搞既, 就真係第三者既人, 包括爸爸媽媽, 同埋兄弟姊妹, 每個人都有自己既思想, 每個人都有自我風格, 而我同米少, 就係太過 “順得” 人, 唔想大家唔開心, 結果就弄到這樣, 回心一諗, 究竟自己的婚禮, 是否應該自私一點???

 

婚後評價 – 攝影 - NO. 1 牽情

[米太太會而一個中立既角色作出評價, 好的當然要讚, 唔好既都會寫出來, 等大家都可以作出進步, 大家都會以客為先]

Big day攝影公司呢一個item, 我地都唔係好著重, 因為我地都覺得budget所限找不到好貴既攝影師, 我地後來就找o左煌府推介既no. 1 牽情, 當時睇過佢d sample相都唔錯, 跟住就book o左佢, join o左佢地既2p + 1v, 仲送o左好多禮物俾我地, 埋單都唔係好貴~~好似係around $7000左右, 不過經過o左我地big day之後, 真係覺得有d失望~~

首先, 第一樣事令到我地好唔開心既, 就係佢地當日黎既videoman原來唔係我地mark落張單果個人, 後來見番d video片段, 亦都拍得好求其, 後來我地同間舖既sale講番呢件事, 佢就同我地講 “唔好意思, 原來之前xxx病o左, 所以就叫o左另外一個來, 又無同你地講聲, 真係唔好意思啦…..” 不過我地覺得呢一個真係一個籍口囉~~亦都可以見到佢地既跟單程序真係有d問題。

另外big day果日有幾樣野唔滿意既, 佢地之前唔會同我地溝通下我地既行程, 又或者唔會知我地既進場既方式, 而且佢地亦都好唔會話我地聽點樣企會靚d, 老人家有時對鏡頭無o甘敏感, 佢地又唔會教佢地點樣~~

仲有呀, 我地張單明明寫o左要帶note book去做剪片, and 我地亦都有request要剪埋我地6:00點鐘註冊既片段, 但最後所有野都無做到, 我地當日都實在太忙, 無時候去處理呢個問題, 真係令到我地都好嬲好嬲~~~最後最後….佢地果段朝拍晚播都真係超級唔得~~真係好失望~~

最後想講既, 雖然我地都知道一分錢一分貨, 我地都唔求d相既quality係影得好好, 不過我地就覺得service呢d野, 就係打開門做生意應該要有既野, 唔好應承o左又無做到~~

所以我就想提議下大家, 無論係點, big day 之前一定要捉住佢地講清楚d條款 and 程序, big day 果日就可以找個兄弟幫手follow一下, 另外如果都係擔心既, 可以叫一個朋友幫手snap shot下都係好事呀~~