婚後評價 – 禮服 - L S WEDDING

[米太太會而一個中立既角色作出評價, 好的當然要讚, 唔好既都會寫出來, 等大家都可以作出進步, 大家都會以客為先]

L S WEDDING是在官塘既一間上樓婚紗舖頭, 講番我地去睇衫既時候, 已經係差不多一年前啦, 當時米少陪O左我去好多間婚紗店, 由尖沙咀, 太子去到官塘, 唔知點解, 去每一間婚紗店, 都有同一個感覺, 就係點解永遠都唔可以在同一間婚紗店揀晒所有既衫, 永遠都係A店就鐘意婚紗, 但就鐘意B店既晚裝~~~而且又永遠唔知邊間係好D~~究竟閃既好, 定係泡泡既好~~女人就係好多時都揸唔倒主意~~

L S WEDDING 都可以係我最後睇既一間, 而佢地吸引我既之處, 就係睇中O左佢地件好閃好閃既婚紗~~而且佢地既CUTTING 都好FIT 我身型~~所以一試上身就好FIT啦~~另外就簡o左條敬酒既裙, 都唔錯~~不過跟住就已經簡唔倒迎賓and送客果條裙, 到最後我就用o左好貴既價錢租o左兩件~~

不過在我結婚之前都出現o左個驚險場面, 話說我一個星期去之前有一次fitting, 我去到之後原來發現fitting只不過係度一度身去俾改衫姐姐改衫, 而就沒有再試上身去度尺, 而我亦無再去問揀o左邊件。

跟住, 我結婚之前果日去final fitting, 跟住就好驚嚇地佢攞o左第二條婚紗出來, 話係我book果條, 我當時個心離一離, 唔通佢落錯單??經過一番討論, 好彩既係, 我book果條婚紗無俾人book走o左, 仲係間舖入面, 而佢應承會幫我改番~~真係好彩~~如果唔係我估我真係好唔開心, 但我真係無諗過竟然可以hold錯裙~~

另外佢呢一間主要都係婚紗比較靚, 但晚裝就真係好普通, 大量既a line裙, 不過我唔覺得值得用$1000去租一條a line裙~~~另外我後來先知道我簡果條裙其實都係淘寶貨仔, 只係佢地自己再diy 閃石 and 羽毛上去, 但已經收我$1000租一條, 真係唔係好抵~~