亞菇 & 菇爺 註冊觀禮

2012年1月7日係我既好好網友亞菇 & 菇爺既大婚之日, 好開心佢叫o左我同米少去觀禮呀~~雖然大家認識既日子唔係好長, 但大家都係好直,心地好既人, 所以就一見如古~~



入去之前, 同亞菇同一眾靚姊妹合照先~~

最後最後, 真係好難得我地四個, 同埋亞菇送俾我地既兩粒米一齊合照呀~~~真係世紀既一刻~~

記住我地對大家既祝福呀~~~一定要幸福呀~~~

生日 + 過大禮

今年既11月12日, 對我來說係特別深刻既一日, 因為當日係我既生日大日子, 亦都係我過大禮既日子, 跟據正常既習俗, 過大禮當日其實新娘子係唔應該出現, 不過我當日ONLY在開門果一刻迴避O左之後, 基本上我都已經彈O左出廳跟住打點一齊啦~~~

以下就係當日過大禮既場面啦~~最上面有兩個盒既, 就係同奇華租既禮餅盒啦~~好唔開心囉~~攞得O甘辛苦, 唔記得同佢影多幾張相TIM~~~

下面就有過大禮套裝, 上頭用品, 仲有海味等等~~



你地睇下米少俾人扭耳仔~~~HOHOHO~~~係呀, 以後要聽聽話話啦~~~搞掂!!!!禮成!!!!!

我返黎啦~~~

嘩~~~各位親愛既blogger, 我返來啦~~

因為之前我屋企部電腦壞o左兩個星期, facebook reply又覆唔倒, 淘寶又淘唔倒~~~only 用個iphone玩, 半日已經無晒電~~

依家整好o左啦, 我重生啦~~~有好多野想同大家share呀~~你地要等我呀~~~

尋找blog友

發覺自從yahoo blog upgrade之後, 真係有好多blog友無心機寫blog, 一來寫o左又好似無人睇到, 二來人地update完又睇唔到, 真係激死!!!!

如果你地想contact番我. 希望大家 add 番 我facebook 啦, 真係好想尋找番d blog 友仔~~

我email: carmenrico1217@yahoo.com.hk
facebook name: 米 太 太

大家快快add我啦, 我寫完既blog會即時在facebook update 啦!!!!

我的美麗日記

做女人真係好煩, 細細個以為自己後生, 天生麗質, 所以唔識保養自己既皮膚, 到依家大個o左, 想補救, 但已經太遲......曾經有一段時間, 勁爆暗瘡, 完全control唔到, 都唔知用乜野方法, 又試中醫, 又試西醫, 又做facial, 都無用, 不過後來護膚好o左, d瘡瘡又自動消失晒~~~

為o左keep 住個靚樣, 自己都開始買o左好多野在塊面上~~

自己都覺得好煩, 不過為o左靚都要keep住, 你地睇下, 我每日就係"茶"o甘多支野在面上....

由左至右: 落妝水, 洗面gel, 爽膚水, B5 gel 精華, 茶樹精華, 日霜, 眼霜, 眼 mask, 水份 mask  

 

 

強烈對介!!!! B5 GEL 真係好好, 有無JM有用過???我已經用o左第三支啦, 已經覺得水份真係好高, d皮膚真係好吸收, 堅得!!! B5 GEL + 茶樹精華呢個combination 真係暗瘡皮膚既恩物~~

那個 eye mask都好方便, 茶完可以訓覺都ok~~~我眼袋既眼紋同暗粒都退o左好多~~~

所以話呢~~女人錢真係容易羸~~~

筍崗購物日

終於都買完野返來啦，真係滿載回歸，好多謝各位blogger努力做既research真係好有用，special thanks to 呀me 既詳細information，佢既資料真係好詳細。我用o左佢其中有兩個策略好好用，第一，就係要每一樣野在佢寫之前都要同佢講價，第二，同埋買既野最好係由貴野開始買，因為d平野例如紅米，貼紙，利是封都會係送。

 

我地從褔田左右坐的士去筍崗，大約$30元，不過建議上車之前問清楚司機識唔識去，因為唔係個個識去，不過個司機話，如果下次再去就同人講去筍崗帝豪酒店隔離就ok啦。

 

果道有兩個市場，一個係文具批發市場，鵬鵬就係入面，不過舖位好難入去，我地行o左個圈就走O左，跟住去O左另一邊叫筍崗工藝禮品城，一樓都有好幾間，不過記得去最多人果間就得啦。

 

 

 

去到就捉O左個哥仔幫我地執貨，記住記住要每一樣野講價，以下就係D價格既SUMMARY:

 

項目	價錢	實際價錢
敬茶用品	$55	$55
男裝睡衣	$55	$55
拖鞋	$10x2	$9x2
紅傘	$18	$22
花球	$20	$18
上頭套裝	$20x2	$18x2
對聯	$10x2	$10x2
敬茶盤	$7.5	N/A
簽名筆	$5.5	$5
花瓣	$5	$3
羽毛	$7	N/A
膠字囍帶	$5	$5
紙杯	$4	$4
紅米	$6	Free
貼紙	$3	N/A
金囍字		$5-$8
汽球		N/A
利是封		$5-$8
啤牌		$3

 

買晒D野之後，哥哥仔幫我計數，結果係$388，個價錢靚到o甘，都唔好意思同佢講價啦，無得講個靚價，唯有屈多張囍字揮春啦~~哈!!!

 

最後我地R倒既贈品包括有:

 

(1)紅米一包

(2) 中利是封一包50個

(3) 小利是封兩包12個　

(4)囍字揮春一個

 

E.....原來我都唔係R到好多WOR~~~

 

返到屋企，梗係要影張大合照啦!!!!

 

 

相片包括: (由左到右) 對聯，拖鞋，上頭工具，過大禮利是封，紅米，uni筆，囍字膠掛帶，花瓣，大小利是封，紅色花球，敬茶套裝，啤牌，睡衣 

貼囍字

利是封，p.s. 由於實在太多人，找不到d靚既利是封，我覺得我揀呢d都麻麻地

 

婚紗

以前我聽其它人講, 女仕著起緍紗係特別靚. 我起初唔係好信, 因為我覺得係靚就靚, 唔靚你著咩都唔會靚, 但係琴日, 當少奶試著起一件白色O既緍紗, 我真係覺得佢"特別靚". 尤其係佢從試身室慢慢一步一步行出黎O既時候, 坦白講, 我真係呆左. 可能你會覺得我好誇張. 不過果一刻我完全忘記唔到.

所以我誠懇地同每一位男士講, 點忙都好, 記得要抽d時陪未來老婆仔去試婚紗! 有d magic moment過左就無架喇!

宣佈我們的大喜日子

大家好呀，一直都想開個blog記錄我地既wedding planning 既趣事，終於都 "dick"起心肝實行，我地既大喜日子就係2011年12月17日，雖然係仲有年半時間，但有好多野都要開始籌備，報告下最update 既情況先:

酒席: 煌府188 - 新開張無耐，所有野都好新~~~裝修都好靚呀~~

pre-wedding photo: 3V - 12月會影紅葉AND海灘，下年3月影櫻花

當日攝影: NO. 1 攝影 - LYMAN AND WOYO AND FAI

餅咭: 美心+奇華

仲有好多趣事會不斷UPDATE大家~~~