2012-01-17 - 188同學會團年晚宴

188同學會之成立, 緣於大家都好鐘意吹水, 食好野因而凝聚, 雖然今次既團年晚宴都已經係1月既事, 不過見未寫, 就搵番出黎寫下慶祝我既新blog for 188美食blog既開張大吉啦~~

煌府好細心呀, 佢地每次都會打好當日既菜單嫁~~2012-01-17, o甘o岩係我同米少結婚一個月既紀念日呀~~

未食之前, 我地既指定動作, 就係叫我地最鍾意食既椒鹽豆腐啦~~

江南六美景

 

川貝海底椰燉鱷魚肉湯
金瑞喜迎春

太極顯豪情
魚米之鄉藏白玉







古法叫化雞








上湯水餃生麵





雪蛤燉紅蓮


一口凍杧果布甸
煌府高級橙



簡真係又食又拎呀, 過年前我地仲有得攞羅白糕食添~~仲要係好好味呀~~


仲有生力婚宴珍藏版收~~~

Helloween party @ 九龍灣煌府

雖然已經係十月尾既EVENT, 不過我都想補番寫呢個BLOG留念, 因為今次可以去到煌府舉辦既HELLOWEEN PARTY 真係好開心~~煌府真係對新人好好呀, 成日都搞O甘多EVENT俾我地班新人玩呀~~

今次我地仲帶O左個朋友來, 我地叫佢做骨精權呀~~~XDDD, 因為唔方便叫佢做骨精強呀~~~HOHOHO~~~

你睇下~~呢個就係權哥啦~~佢係咻坐得好優美呢~~仲有權哥@華D造型~~~

      


我地煌府188 之櫻花三寶又再相遇啦~~好開心呀~~~

       

各位~~希望下次再有機會同大家再玩過啦~~~不過下次我可能唔係以單身既身份出現啦~~~

多謝煌府又送mooncake

煌府集團真係好貼身呀, 每逄過時過節都有得抽獎送禮物, 今次中秋節又有mooncake送, 真係開心呀~~


上到去煌府188, 又去睇下我地既靚場先, 終於都見到裝o左電視既場啦, 真係好遠都睇倒呀~~仲有d新既decoration, 都唔錯呀, 真係唔需要再找decoration公司去佈置都啦~~

以下呢個view係兩邊開晒既場~~好寬敞呀~~不過我地only擺b場~~~即係右手面果個場~~

煌府188新人gathering

剛剛果個星期三我地去o左煌府188既新人聚餐, 今次既gathering特別之處, 就係除o左有188既靚太同準靚太出席之外, 今次多o左3個男仕出席呀~~連我家米少都有出席, 仲為大家帶o左好多歡樂tim~~

同上一次gathering一樣, 煌府帶o左好多新菜式俾我地試食, total共有十個菜~~而我最鐘意, 就係第二個 - 鵝肝醬釀百花蟹拑, 你唔好睇佢外表平平無奇, 原來佢入面釀o左d鵝肝在入面, 都幾有驚喜呀~~

米少叫我一定要影呢張相, 因為呢隻蝦係煌府老闆陳博士賞賜俾佢嫁~~你睇佢個樣幾得戚~~~

 

呢個又要俾大家睇下呢個就係煌府傳說中既高級橙~~~我到時打算request要o甘呀~~

仲有煌府新人apple妹為我地整既蛋糕~~好warm呀~~

多謝強哥既sponsor, 你地睇下錢小姐笑得幾開心!!!!

今次gathering 都收到兩個好消息, 一就係兩個禮堂都會整一個好大既LED電視在STAGE上面, 另一個好消息, 就係兩個禮堂都會作大番新~~我那個B廳會用上紫色, 仲會有好多DECORATION, 我地GATHERING既新人有幸睇到第一手既設計圖片, 煌府對我地新人實在太好啦~~

煌府新人聯歡晚宴2011

6月15日有幸去到煌府在荃灣新開既分店參與新人聯歡晚宴, 初頭同我老公亞米有d誤會爭d去唔倒, 後來好彩仲有位先可以去到~~

我地一早就去到啦, 見倒我地之前一齊去百萬葵園既2對新人梁啤啤 and 小谷, 見到佢地好開心呀~~

呢個荃灣新場最大既特色, 就係天花板既玫瑰LED燈, 初初睇既時候好靚呀, 不過閃多兩閃, 有D頭暈添~~

每對新人都有一個希臘女神送既音樂盒相架~~都唔錯呀~~

YEAH~~仲有幸同吳剛師傅影相~~NICE TO MEET YOU~~

菜式同平時擺酒既食物差不多一樣, 好豐富呀~~

仲有陳博士既精彩表現, 你睇下我個老公呀米幾投入~~

除o左陳博士之外, 對於荃灣黎明, 我個老公亞米都一樣投入~~仲得到一個握手位tim~~

差不多每一對新人都有獎品帶走, 我地就抽到$100百佳coupon~~正呀!!!

註冊律師 - 黃家興律師

又有另一樣野要book既野就係註冊律師啦，其實呢個item，同花車一樣，我地覺得只要fullfill到作為註冊律師要做既野就已經ok，唔需要做o甘多包裝都ok~~~

而我在呢一個item裡面，亦都無做過任何既research，只係聽到煌府188既經理，人見人愛車見車載既apple姐介紹，就找o左黃家興律師睇下有無期~~

老公呀米打俾黃律師，以下就係佢地既開場白:

老公呀米: 你好，黃律師，我係apple姐介紹，想找你幫手做註冊證婚。

黃律師: 唔好o甘講，你關照我就真，幾時好日子呀?

老公呀米: 2011年12月17日，就睇下你有無期。

黃律師: 不如你sms 你 d 資料俾我，我再check下啦。

就係o甘，老公呀米話覺得完全唔似同緊一個律師傾計，好似一個識o左好耐既朋友o甘，都好nice好friendly，上網睇d comment 都好似唔錯，我估應該無問題。

有無其他blogger見過對黃律師既comment 呀?? 可唔可以share下呀???

煌府新春大抽獎

話說我地book果間酒樓煌府婚宴專門店，以前搞o左個新春大抽獎，有得送新年糕點，我地都好幸運抽得呀~~真係新年中頭獎!!!yeah!!

我以前上煌府攞糕既時候都有果小插曲，我年廿九既時候上o左去攞，點知果小姐同我講，唔好意思呀，我地剩番蘿蔔糕，你介唔介意要2底蘿蔔糕??我即時o o左咀，死啦，屋企已經有3底，仲時既時候咪有5底??點死呀???點知呀小姐好好人佢話不如我留俾你，你聽日再來過呀??真係好service啦，唔會迫人要呀~~~抵錫~~~

 

 

以上就係年糕 and 馬提糕，已經先試了年糕，味道唔錯，好香呀~~~煌府好勁呀~~在5月又會在荃灣開分店，荃灣個地點真係幾good呀，好近地鐵站呀，到時一定好好生意，祝煌府生意興隆!!!