當日攝影的趣事

之前講到有一樣找攝影既趣事，一定要同大家分享。我地話說七月中既時候去o左婚紗展，當日target on 買餅咭and找當日攝影，o甘我地就到不同既counter睇下人地d作品，不過米少爺對於一d藝術家image同埋比較young既攝影師唔多有好感，所以好多間我地都覺得唔係好o岩心水，之後我地去到一個counter坐低傾，

p.s. 間鋪頭名都係唔公開，費時話我唱衰佢，不過呢間野在 esdlife已經俾人唱衰晒

我地同其中一個videoman傾得好投契，我男朋友好想book佢，但可惜佢當日已經比俾book o左啦，跟住佢就sale o左第二個俾我地，睇完相之後都覺得ok，and then 佢又free多d野又減價俾我地，在我地budget之內，結果我地就決定落訂，不過我地同佢地講，我地都想同個攝影師見個面，然後我地先落訂，所以我地最後只係落o左500蚊訂mark o左個期就算。

好快過o左第二日，個sale已經打電話俾我地話可以上去鋪頭同師父見面，我地上到佢，兩個師父都係一d四十多歲即呀叔，講d自己以為好好笑既陳年笑話，其實我地一d都笑唔出，睇完佢地d作品，又無乜特別大驚喜，所謂既snapshot一d都無乜特別，另外有一段對話仲搞笑:

米少爺問: 其實我地都係希望以開心為住，o甘你最好係斟茶既時候講d好說話啦，o甘d老人家先會開心

(dead air o左十秒以後.....................)

師父答到: 原來你地有o甘既要求，多謝你地既提點。

(又一段dead air............)

我同米少爺聽到呢道既時候，真係無言以對，因為我地覺得呢d係好基本既事情，佢地仲要話多謝我地既提點。我地出到門口已經決定500蚊訂金都已經打定輸數，立即諗住找過第一間。

跟住意外既事情發生o左...................

第二日，我地收到個sale 既電話，問我地個師父o岩唔o岩，問我地考慮成點，我地都答佢唔係好o岩我地既要求，跟住佢答o左一句令我地好喜出望外既說話..................

如果唔o岩既話，你有時間甘來攞番果500蚊呀~~~~

WOoooWWwO......你話係咪超surprise呢，竟然可以攞番d訂金~~~所以我地就去攞住果500蚊即刻再去搵過~~~經過呢一次，我地覺得d sale真係假到痺，sale你既時候講到天花龍鳳，又送d乜野乜野去乙水你，但到最後又未必係果回事~~~