婚後評價 – 裙掛 - 錦發

[米太太會而一個中立既角色作出評價, 好的當然要讚, 唔好既都會寫出來, 等大家都可以作出進步, 大家都會以客為先]

如果有睇我之前既blog, 都知道我去o左上海街錦發租裙掛, 之前都有去冠南華朝聖~~雖然係靚, 但實在真係唔惜得用幾千蚊租一套,所以到最後都係去o左上海街既錦發租~~

我以$1280租o左一套”頭掛”中五福, 有d姊妹講過, $1280會唔會係 ”頭掛”呀??講真, 係唔係”頭掛”我唔識分, 亦都唔知點樣驗, 不過我覺得佢講得出, 我就只可以信佢, 講真, 呢d野都係大家求過開心, 老人家安心就ok~~

當日著o左之後, 我都覺得唔差, 成套都好新, 唔似俾人著過~~我個人覺得, $1280, 抵到爛!!!!