188同學星級澳門之旅 - day ２

哈，　ｄａｙ　１　都差不多兩個星期之前寫啦，　係時候寫埋ｄａｙ　２　啦，　由於團友們之前果晚睇歐國杯決賽，　玩到好夜，　大部人都好晏先起食，　今日既行程主要就係下午先出發，　行程亦都集中去ｏ左大街果面ｓｈｏｐｐｉｎｇ同埋搵野食。

以下就係我地既美食路線圖:

由於有團友們未起身, 我地就靜靜雞出o左去官也街興記咖啡室去食早餐, 今次就食apple妹推介既燴意粉同埋奶茶。
我覺得奶茶都唔錯呀, 不過apple妹過之前仲好飲, 依家已經水準下降o左啦~~

下一站, 就出番大街附近既食店, 第一間就係祥記麵家, 食出名既蝦子麵, 話好出名wor~~~蔡瀾都推介, 只可惜我唔係o甘識欣賞, 我覺得好硬唔好食~~

呢個就係傳說中既蝦子麵~~

仲有炸雲吞 and 炸鯪魚球~~

其實已經食到好飽, 不過剛剛起身, 就即刻去隔離既保健牛奶公司食甜品啦, 佢地話甜品係用另一個胃呀~~

叫o左姜汁撞奶同埋雙皮奶, 都唔錯呀~~

始終都唔可以一路係o甘食, 所以我地就去o左shopping 行街街啦, 行下行下, 就去o左谷姐推介既蝴蝶谷買袋啦~~~

你地睇下, 個個都有收穫呀，一人一個，　永不落空～～　

男士們就幫女士們野，　好有型呀～～～哈哈～～～

行完一輪，　又係食野既時間啦，跟住去ｏ左啤啤介紹既禮記食雪糕，　入到去已經人山人海，　ｄ位又好迫，　坐得唔係好舒服，　ｄ哥哥仔ａｕｎｔｉｅ　ｓｅｒｖｉｃｅ又差，　已經無乜ｍｏｏｄ啦，　我叫ｏ左杯菠蘿冰，　點知係無冰既～～～，　就係激死，米少果杯，　佢好似唔知要ｏ左溥荷雪糕，　跟住放低既時間，　個哥哥仔話，　無溥荷，　我幫你揀ｏ左雲尼拿雪糕呀～～～，　ｏ甘都得？？？？幫我揀ｏ左？？

行ｏ左好耐，　終於去到最後既晚餐啦，　我地去ｏ左一間在大街附近既餐廳，　叫新帆船餐廳，　因為好早食飯，　我地就叫ｏ左個六人餐再叫ｏ左咖哩飯。

好豐富呀～～我地果果都食到飽飽返屋企啦～～～