梁啤啤&梁三少宴客

經過429啤啤同三少既婚禮之後, 梁生梁太為o左慰勞我地一班同學既幫助, 就設宴請我地食飯, 我地為o左方便, 當然揀番我地主場煌府188啦~~

每一次返188食飯, 都有d特別既菜式俾我地食, 今次都不例外~~




第一道菜 - 六味小碟

死啦, 點解今次又係走o左雞, 影唔晒六小碟既~~~

第二道菜 - 香草汁燴大蝦

估唔倒中式酒樓都可以做到西式既香草汁, 都好配呢一個大蝦呀~~

招牌靚湯 - 夏日消暑冬瓜盅, 好少食過o甘足料冬瓜盅呀~~

彩椒蜜桃上肉排 - 哈....係咪即係咕嚕排骨呀~~~呢個都好好味呀~~~

跟住就係將條魚轉做一食兩味變為兩個餸 -
 
一個叫豉椒南瓜炆頭腩 - 即係南瓜炒斑塊, 因為我本人唔係好like南瓜, 所以我呢個餸我都係乜食到

另一個叫麒麟蒸斑塊, 即係將條魚起肉蒸黎食~~呢個我又係無乜點食, 因為我覺得果個汁唔係好match條魚~~

濃湯紫蕊蕃薯浸莧菜 - 呢個我真係覺得好特別既餸, 係出面真係無食過, 買相亦都好吸引~~

秘製木盤子母雞 - 呢個係三少食過之後推介話要encore既菜, 呢個又係好攪笑, 佢叫子母雞係因為又有雞蛋, 又有母雞, 所以就叫子母雞啦, 呢個我就覺得係全晚最好食既一個餸啦~~

脆皮西施金瑤炒飯 - 哈.....點解叫脆皮???唔知.....點解叫西施???唔知, 我只係知我地已經食到好飽, 都已經再食唔落啦~~

灌湯小籠包 - 聚餐未食過小籠包, 今次就可以試下, 我覺得.....個皮可以再薄d~~~哈~~~~

凍一口焦糖蛋 - 終於來到甜品時間啦, 好味好味, 保持水準

仲有當然唔少得既 - 煌府高級橙啦~~

原先Terence 大師帶o左隻429精彩片段既碟打算在vip room 播, 但vip room 個電視壞o左播唔倒, 最後我地好好彩可以俾我地在大電視果道播出來睇~~


呢一幕就係睇完surprise之後, 食餅餅時間~~

同場加映 - 就係三少感動