kin哥仔surprise birthday party

188同學既小谷知道佢老公kin哥仔就黎生日, 話想俾個surpise佢, 要我地幫手, 我地188同學o甘貪玩, 當然一定奉陪啦~~由於kin哥仔好少上網, 我地好容易就暪倒kin哥仔~~

當日既party就選擇o左在我同米少屋企舉行, 首先所以同學就會上黎我地屋企先, 然後小谷就會帶kin哥仔上來我地屋企借野, 我地到時就俾surprise佢~~


小谷未黎之前, 我地一班人就係道玩 xbox 先~~

 

 

 

你地睇下, 米少同三少一齊玩緊 xbox, 你地睇下兩個人幾興奮, 不斷跑呀跑呀~~~佢地係度玩緊 disneyland 既 game 呀, 要不斷跑呀~~




等o左成個鐘, 終於等到小谷帶kin哥仔上來啦, 見到kin哥仔一臉無奈既樣真係覺得好攪笑呀~~我仲送o左我自己整既生日card送俾kin哥仔呀~~~

就係呢一張啦, 上面仲寫o左我地對kin哥仔既祝福說話, 真係好感動嫁~~

我地今次選擇在屋企食野, 小谷話kin哥仔鐘意食 pizza hut 既芝心批, 但其他人又想食 cheese chicken 既 chicken, 結果今次既決定, 就係兩間都叫~~~哈~~~

pizza hut 就叫o左一個大批餐, cheese chicken 就叫另一個大批餐, 如果大家無食過cheese chicken 既芝脆雞就一定要試下啦, 仲要好食過kfc 好多好多倍呀~




好豐富呀~~~放晒成張枱啦~~~




不得不提, 就係呢一個蛋糕啦, 呢個就係出自188同學既apple妹既流心芒果芝士蛋糕, 真係好好好好好味呀~~~呢個蛋糕真係落足芒果料~~入面仲會有流心既效果, 真係一百分呀~~



照片來源 from apple 妹~~


玩完一輪, 到到夜晚, 我地就去o左小肥羊打邊爐, 最開心就係成班人一齊打邊邊, 因為成班人先可以叫多d野食呀~~

照片來源 from me老師~~

叫o左一半辣一半唔辣, 你地唔好睇麻辣果邊好似好辣, 其實一d都唔辣, 我地再加辣椒, 都好似無乜料到~~好似返深圳果間好食好多~~

芝脆雞
Cheese Pizza

http://www.openrice.com/restaurant/sr2.htm?shopid=47423

小肥羊
Little Sheep

http://www.openrice.com/restaurant/sr2.htm?shopid=14665